Page Nav

HIDE

Grid

GRID_STYLE

Classic Header

{fbt_classic_header}

Header Ad

শেহতীয়া খবৰ

latest

মিত্ৰজোঁটৰ মাজত প্ৰাৰ্থিত্বকেন্দ্ৰিক সংঘাতৰ উকমুকনি বৰমা সমষ্টিত

গণ বাৰ্তা,মুছলপুৰ,৫ মাৰ্চ : ক্ৰমাৎ প্ৰাৰ্থিত্ব কেন্দ্ৰিক সংঘাত তীব্ৰতৰ হৈছে বাক্সা জিলাৰ ৬২ নং বৰমা বিধানসভা সমষ্টিতত ৷ সমষ্টিটোত কোনে পাব ম...


গণ বাৰ্তা,মুছলপুৰ,৫ মাৰ্চ
: ক্ৰমাৎ প্ৰাৰ্থিত্ব কেন্দ্ৰিক সংঘাত তীব্ৰতৰ হৈছে বাক্সা জিলাৰ ৬২ নং বৰমা বিধানসভা সমষ্টিতত ৷ সমষ্টিটোত কোনে পাব মিত্ৰজোঁটৰ প্ৰাৰ্থিত্ব ৷ ইয়াকে লৈ সৃষ্টি হৈছে সমষ্টিটোত তীব্ৰ উত্তেজনা ৷ মিত্ৰজোঁটৰ পৰা সাংসদ নৱ কুমাৰ শৰণীয়াই সমষ্টিটোৰ পৰা প্ৰাৰ্থিত্ব পাব বুলি সংবাদ মাধ্যমত বাতৰি সম্প্ৰচাৰ হোৱাৰ পিচতেই সমষ্টিটোৰ বিজেপি কৰ্মীসকলৰ মাজত সৃষ্টি হৈছে তীব্ৰ অসন্তোষ ৷ মিত্ৰজোঁটৰ পৰা কোনো কাৰণতে সংসদ নৱ কুমাৰ শৰণীয়াৰ প্ৰাৰ্থিত্ব নামানে সমষ্টিটোৰ বিজেপি কৰ্মীসকলে ৷ এই লৈ কালি সন্ধিয়া বাক্সা জিলাৰ ৬২ নং বৰমা বিধানসভা সমষ্টিত বিজেপিৰ বাক্সা জিলা সমিতিয়ে এখন সংবাদমেল অনুষ্ঠিত কৰি জিলাখনৰ অন্তৰ্গত বিধানসভা সমষ্টি তিনিটাত বিজেপিৰ প্ৰাৰ্থী প্ৰক্ষেপ কৰিবলৈ দাবী জনায় ৷ জিলা সমিতিৰ সভাপতি ৰাম দাহাল, ৰাজ্যিক সদস্য ৰমেশ চন্দ্ৰ দাস আৰু তৰুণ বসুমতাৰীয়ে সংবাদমেলত বিজেপিৰ বাহিৰে কোনো দলৰে প্ৰাৰ্থীক মানি নলয় বুলি জানিব দিয়ে ৷ বিশেষকৈ দলীয় কোনো আলোচনা নোহোৱাকৈ সাংসদ নৱ কুমাৰ শৰণীয়াৰ প্ৰাৰ্থিত্বত বৰমাত মানি নলয় বুলিও উল্লেখ কৰে ৷ ইফালে, সাংগঠনিক ভাৱে বৰমাত বিজেপি দলৰ স্থিতি শক্তিশালী হোৱাৰ পিচতো সাংসদ নৱ কুমাৰ শৰণীয়াক এৰি দিব বিচৰা কাৰ্যক বিজেপি কৰ্মীসকলে সহজ ভাৱে মানি নলয় বুলি জানিব দি পৰিৱেশ উত্তাল কৰি তোলে ৷ বিজেপি কৰ্মী সকলে নৱ কুমাৰ শৰণীয়া মুৰ্দাবাদ, বৰমাত পদুম ফুল লাগে, নৱ কুমাৰ শৰণীয়াৰ প্ৰাৰ্থীত্ব আমি মানি নলওঁ আদি শ্লোগান দি পৰিৱেশ উত্তাল কৰি তোলে ৷ উল্লেখ্য যে সমষ্টিটোৰ পৰা এইবাৰ প্ৰাক্তন মন্ত্ৰী ৰেখাৰাণী দাস বড়ো, জ্যেষ্ঠ নেতা কুমুদ দাস, ৰমেশ চন্দ্ৰ দাসকে ধৰি কেবাজনো বিজেপিৰ দলীয় প্ৰাৰ্থিত্বৰ অন্যতম দাবীদাৰ ৷

No comments