Page Nav

HIDE

Grid

GRID_STYLE

Classic Header

{fbt_classic_header}

Header Ad

শেহতীয়া খবৰ

latest

লুৰিণজ‌্যোতি গগৈক আক্ৰমণৰ ঘটনাৰ প্ৰতিবাদত নগাঁৱত জাতীয় পৰিষদৰ বিক্ষোভ কাৰ্যসূচী ৰূপায়ন

  ষ্টাফ ৰিপ'ৰ্টাৰ, নগাঁও, ২ মাৰ্চ : অসম জাতীয় পৰিষদৰ সভাপতি লুৰিণজ্যোতি গগৈ আৰু উপ- সভাপতি পুলকেশ বৰুৱাৰ গাড়ীৰ কনভয়ত নলবাৰী জিলাৰ বৰভ...

 


ষ্টাফ ৰিপ'ৰ্টাৰ, নগাঁও, ২ মাৰ্চ: অসম জাতীয় পৰিষদৰ সভাপতি লুৰিণজ্যোতি গগৈ আৰু উপ- সভাপতি পুলকেশ বৰুৱাৰ গাড়ীৰ কনভয়ত নলবাৰী জিলাৰ বৰভাগৰ সমীপৰ কালাগত একাংশ বিজেপি নেতা কৰ্মীয়ে ২৮ ফেব্ৰুৱাৰীত আক্ৰমণ কৰা ঘটনাৰ প্ৰতিবাদত আজি অসম জাতীয় পৰিষদৰ নগাঁও জিলা সমিতিয়ে নগাঁৱত এক প্ৰতিবাদী কাৰ্য্যসূচী ৰূপায়ন কৰে। নগাঁও জিলা উপায়ুক্ত কাৰ্যালয়ৰ সন্মুখত পৰিষদৰ নগাঁও জিলা সমিতিৰ বিষয়- ববীয়া তথা কৰ্মী সকলে বিক্ষোভ কাৰ্যসূচী ৰূপায়ন কৰি নলবাৰীৰ ঘটনাৰ লগত জড়িত সকলক কঠোৰ শাস্তি বিহাৰ দাবী উত্থাপন কৰে। পৰিষদৰ বিষ‌য়ববীয়া আৰু কৰ্মী সকলে লুৰিণজ্যোতি গগৈক আক্ৰমণ কৰা বিজেপি নেতা কৰ্মীক কঠোৰ শাস্তি দিয়ক, বিজেপি মুৰ্দাবাদ, প্ৰধানমন্ত্ৰী নৰেন্দ্ৰ মোডী হায় হায়, বিজেপিৰ দাদাগিৰি নচলিব, অসম জাতীয় পৰিষদ জিন্দাবাদ আদি বিভিন্ন ধ্বনি দি উত্তাল পৰিৱেশৰ সৃষ্টি কৰে। লুৰিনজ‌্যোতি গগৈ সহ অসম জাতীয় পৰিষদৰ আন নেতাসকলৰ ওপৰত কৰা আক্ৰমণৰ ঘটনাৰ তদন্ত কৰি দোষীক কঠোৰ শাস্তি বিহাৰ লগতে অসম জাতীয় পৰিষদৰ নেতা কৰ্মীৰ নিৰাপত্তা নিশ্চিত কৰিবলৈ দাবী জনাই। বিক্ষোভ কাৰ্যসূচীৰ অন্তত পৰিষদৰ নগাঁও জিলা সমিতিয়ে অসমৰ মুখ্য নিৰ্বাচন বিষয়ালৈ নগাঁও জিলা উপায়ুক্তৰ জৰিয়তে এখন স্মাৰক পত্ৰ প্ৰেৰণ কৰে। স্মাৰক পত্ৰত জাতীয় পৰিষদৰ জিলা সমিতিয়ে উল্লেখ কৰিছে যে অসম জাতীয় পৰিষদৰ সভাপতি লুৰিণজ্যোতি গগৈ আৰু উপ-সভাপতি পুলকেশ বৰুৱা সহ দলৰ কেইবাজনো নেতাক বিজেপি কৰ্মী সকলে হাতে হাতে বিজেপি দলৰ পতাকা লৈ আক্ৰমণ চলাই। বিজেপি কৰ্মী সকলে আক্ৰমণৰ সময়ত বিজেপি জিন্দাবাদ, বিজেপি বিধায়ক নাৰায়ণ ডেকা জিন্দাবাদ আদি ধ্বনি দিছিল। অসম জাতীয় পৰিষদৰ নেতাক আক্ৰমণ কৰাৰ ঘটনাৰ লগত বিজেপি বিধায়ক নাৰায়ণ ডেকা আৰু বিজেপি কৰ্মী জড়িত থকাতো স্পষ্ট হৈ পৰিছে। সেয়ে বিধায়ক নাৰায়ণ ডেকা আৰু সংশ্লিষ্ট বিজেপি কৰ্মীক তৎকালীন ভাৱে শাস্তি বিহিবলৈ অসম জাতীয় পৰিষদৰ নগাঁও জিলা সমিতিয়ে অসমৰ মুখ্য নিৰ্বাচন বিষয়াক দাবী জনাইছে। আজিৰ এই প্ৰতিবাদী কাৰ্যসূচীত পৰিষদৰ নগাঁও জিলা সমিতিৰ সভাপতি পুলিন হাজৰিকা, সাধাৰণ সম্পাদক দ্বয় তৰুণ কাকতি, পংকজ ডেকা, ৰাজ্যিক কাৰ্যনিৰ্বাহক সদস্য উদ্দীপ্ত নাৰায়ণ ৰাজা, জাতীয় পৰিষদৰ আন বিষয় ববীয়া মুকুল বৰুৱা, অনুপ লস্কৰ, জাতীয় মহিলা শক্তিৰ সাংগঠনিক সম্পাদিকা দিপীকা শ‌ইকীয়া, অৱন্তি দেৱী, জোনমনি বৰদলৈ ৰেহনা চুলতানা, মানু শইকীয়া আদিকে ধৰি বহু কেইগৰাকী নেতা-কৰ্মীয়ে অংশগ্ৰহণ কৰে।

No comments