Page Nav

HIDE

Grid

GRID_STYLE

Classic Header

{fbt_classic_header}

Header Ad

শেহতীয়া খবৰ

latest

শুৱনিপথাৰবাসীৰ বিধানসভা নিৰ্বাচন বৰ্জনৰ সিদ্ধান্ত

গণ বাৰ্তা, ফিল'বাৰী, ৯ মাৰ্চ : তিনিচুকীয়া জিলাৰ মাৰ্ঘেৰিটা বিধানসভা সমষ্টিৰ অন্তৰ্গত কৈলাশপুৰ গাঁও পঞ্চায়তৰ অধীনৰ দহ নং ৱাৰ্ডৰ শুৱনি পথ...


গণ বাৰ্তা, ফিল'বাৰী, ৯ মাৰ্চ
: তিনিচুকীয়া জিলাৰ মাৰ্ঘেৰিটা বিধানসভা সমষ্টিৰ অন্তৰ্গত কৈলাশপুৰ গাঁও পঞ্চায়তৰ অধীনৰ দহ নং ৱাৰ্ডৰ শুৱনি পথাৰ গাঁওখনৰ স্থাপনৰ ষাঠিটাকৈ বছৰ অতিক্ৰম কৰাৰ পিছতো চৰকাৰে মূল পথটো মেৰামতি নকৰাৰ ফলত আজি স্বতঃস্ফূৰ্ত ভাৱে গাঁও খনৰ ৰাইজ ওলাই আহি পথটো মেৰামতি কৰে। হাতে হাতে দা কোৰ লৈ পথ মেৰামতিৰ স্থলীত উপস্থিত হোৱা প্ৰায় দুকুৰিৰো অধিক মুনিহ তিৰোতাই এক কিলোমিটাৰ দৈঘ্যৰ পথটোৰ ডাঙৰ ডাঙৰ গাত সমূহ মাটি ভৰাই সমান কৰাৰ উপৰিও কাষৰ হাবি বন সমূহ কাটি পৰিষ্কাৰ কৰে। তদুপৰি আজি গাঁওখনৰ ৰাইজে কৰ্মস্থলীতেই আগন্তুক বিধান সভাৰ নিৰ্বাচনত কোনো ৰাজনৈতিক দলকেই গাঁওখনত প্ৰচাৰত বাধা দিয়াৰ লগতে ভোটদানৰ পৰাও বিৰত থকাৰ সিদ্ধান্ত গ্ৰহণ কৰে। প্ৰায় ত্ৰিশটা খিলঞ্জীয়া পৰিয়ালে বসবাস কৰা এই গাঁওখনৰ সংযোগী মাত্ৰ এক কিলোমিটাৰ পথ জৰাজীৰ্ণ অৱস্থাত থকাৰ ফলত বিগত সময়চোৱাত ৰাইজে দুৰ্ভোগ ভুগি আহিছিল। ৰাইজৰ অভিযোগ অনুসৰি শুৱনি পথাৰ গাঁৱৰ ৰাইজে আজি পৰ্যন্ত বিদ্যুৎ যোগানৰ বাহিৰে অন্য কোনো চৰকাৰী  সুবিধাৰ পৰা বঞ্চিত হৈ আহিছে। স্মৰ্তব্য যে, বিগত ২০১৮ বৰ্ষত গাঁও খনৰ নিবাসী উদীয়মান কবি পংকজ ৰাজবংশীয়ে তেওঁৰ পুত্ৰৰ ওপজা দিনৰ দিনাখনেই গাঁঠিৰ ধন ভাঙি আজি ৰাইজে মেৰামতি কৰা পথটোৰ মেৰামতি কৰিছিল।

No comments