Page Nav

HIDE

Grid

GRID_STYLE

Classic Header

{fbt_classic_header}

Header Ad

শেহতীয়া খবৰ

latest

কংগ্ৰেছ দলৰ বুথ সন্মিলনক লৈ নগাঁৱত লবী কেন্দ্ৰিক ৰাজনীতি : দুই ফৈদৰ মাজত শীতল যুদ্ধ আৰম্ভ

  ষ্টাফ ৰিপ'ৰ্টাৰ, নগাঁও, ২৩ ফেব্ৰুৱাৰী: আজি কংগ্ৰেছ দলৰ নগাঁও সদৰ সমষ্টিৰ উদ্যোগত নগাঁও সদৰ সমষ্টি ভিত্তিত এক বুথ সন্মিলন অনুষ্ঠিত হয়।...

  ষ্টাফ ৰিপ'ৰ্টাৰ, নগাঁও, ২৩ ফেব্ৰুৱাৰী: আজি কংগ্ৰেছ দলৰ নগাঁও সদৰ সমষ্টিৰ উদ্যোগত নগাঁও সদৰ সমষ্টি ভিত্তিত এক বুথ সন্মিলন অনুষ্ঠিত হয়। নগাঁও সদৰ সমষ্টিৰ অন্তৰ্গত খাগৰিজান মণ্ডল কংগ্ৰেছৰ সভাপতি চাহাবুদ্দিন আহমেদৰ সভাপতিত্বত এই বুথ সংকল্প শিবিৰত অংশগ্ৰহণ কৰি কংগ্ৰেছ দলৰ মাষ্টাৰ ট্ৰেইনাৰ তথা ছত্তিছগড়ৰ কংগ্ৰেছ নেতা সুশীল শৰ্মাই বুথ পৰ্যায়ৰ কংগ্ৰেছ নেতা কৰ্মী সকলক প্ৰশিক্ষণ প্ৰদান কৰি কয়- বুথৰ কংগ্ৰেছ নেতা কৰ্মী সকলে প্ৰতিটো বুথত কোন দলৰ কিমান সমৰ্থক সদস্য আছে সেয়া চিহ্নিত কৰিব লাগিব। তাৰ লগে লগে কংগ্ৰেছ দলৰ বুথৰ কৰ্মী সকলে ৰাইজক কংগ্ৰেছৰ প্ৰতি আকৰ্ষিত কৰিব লাগিব। প্ৰসংগ ক্ৰমে তেওঁ বিজেপি নেতৃত্বাধীন চৰকাৰক কঠোৰ সমালোচনা কৰি কয়- কেন্দ্ৰ আৰু ৰাজ্যত থকা দুয়োখন বিজেপি চৰকাৰে অসমৰ ৰাইজক চুড়ান্ত প্ৰতাৰণা কৰিছে। চৰকাৰৰ ব্যৰ্থতাৰ সকলো দিশ কংগ্ৰেছৰ কৰ্মী সকলে ৰাইজৰ মাজলৈ লৈ যাব লাগিব। অহা নিৰ্বাচনত কংগ্ৰেছ দলৰ চৰকাৰ হ'ব বুলি মন্তব্য কৰি সুশীল শৰ্মাই কয়-কংগ্ৰেছ কৰ্মী সকলে কংগ্ৰেছ দলক অধিক শক্তিশালী কৰি তুলিব লাগিব। বুথ সন্মিলনত ভাষণ প্ৰদান কৰি অসম প্ৰদেশ কংগ্ৰেছৰ নেত্ৰী মীৰা বৰঠাকুৰে কয়- প্ৰধান মন্ত্ৰী নৰেন্দ্ৰ মোডী আৰু গৃহ মন্ত্ৰী অমিত শ্বাহৰ নিৰ্বাচনৰ সময়তহে অসমলৈ মনত পৰে। ভোটৰ আশাত তেওঁলোক এতিয়া অসমলৈ বাৰে বাৰে আহি আধাৰশিলাৰ ৰাজনীতি কৰিছে। অসমৰ বান- গৰাখহনীয়া সমস্যাকে ধৰি জলন্ত সমস্যা সমূহ সমাধানৰ ক্ষেত্ৰত একো নকৰে। অসমৰ সম্পদ সমূহ এটা এটাকৈ বিক্ৰী কৰাৰ লগতে গোপীনাথ বৰদলৈ আন্তঃজাৰ্তিক বিমান বন্দৰ পুঁজিপতিক লিজ'ত দিছে। বিনামূলীয়া চাউল দি দালি, চেনী আদিৰ লগতে পেট্ৰ'ল, ডিজেল, ৰন্ধন গেছকে ধৰি বিভিন্ন অত্যাৱশ্যকীয় সামগ্ৰীৰ অত্যাধিক মূল্য বৃদ্ধি কৰি সৰ্বসাধাৰণ ৰাইজৰ মূৰত ৰাম তাঙোন সোধাইছে। এইখন চৰকাৰৰ দিনত ৫০ হাজাৰ কোটি টকাৰ ঋনল বোজা অসমৰ ৰাইজৰ ওপৰত দি থৈ গৈছে। বিজেপি চৰকাৰৰ এই ব্যৰ্থতা ঢাকিবৰ বাবে প্ৰধান মন্ত্ৰী নৰেন্দ্ৰ মোডী আৰু গৃহ মন্ত্ৰী অমিত শ্বাহ অসমলৈ বাৰে বাৰে আহিবলৈ বাধ্য হৈছে। সৰ্বানন্দ সোণোৱাল নেতৃত্বাধীন বিজেপি মিত্ৰজোঁটৰ চৰকাৰক সমালোচনাৰে থকা- সৰকা কৰি বৰঠাকুৰে লগতে কয়-


বিজেপি চৰকাৰৰ মিথ্যাচাৰ এতিয়া অসমৰ ৰাইজে বুজি উঠিছে। সেয়ে অহা নিৰ্বাচনত অসমৰ ৰাইজে কংগ্ৰেছক সমৰ্থন কৰিব। কংগ্ৰেছ নেত্ৰী গৰাকীয়ে মন্ত্ৰী হিমন্ত বিশ্ব শৰ্মাক দুষ্ট নেতা আখ্যা দি কয়, তেওঁ অসমত হিন্দু-মুছলমানৰ নামত বিভাজনৰ ৰাজনীতি কৰিছে। লগতে হিমন্ত‌ই অহা নিৰ্বাচনটো এক সভ্যতাৰ যুজঁ বুলি কৈ আচলতে হিন্দু সভ্যতাকে অপমান কৰিছে বুলি বৰঠাকুৰে মন্তব্য কৰে। অনুষ্ঠানত অসম প্ৰদেশ কংগ্ৰেছৰ জ্যেষ্ঠ নেতা শান্তনু শৰ্মাই সংবাদ মাধ্যমৰ আগত কয়, আজি বুথ সংকল্প শিবিৰত বুথ পৰ্যায়ৰ নেতা কৰ্মীৰ উৎসাহজনক সহাৰিয়ে এই কথা প্ৰতীয়মান কৰিছে যে- সমাগত নিৰ্বাচনত কংগ্ৰেছ দলে চৰকাৰ গঠন কৰাটো এক প্ৰকাৰ নিশ্চিত। নগাঁও সদৰ সমষ্টিটো সমাগত নিৰ্বাচনত কংগ্ৰেছ দলৰ প্ৰাৰ্থী গৰাকীয়ে জয় লাভ কৰিব বুলি তেওঁ দাবী কৰে। বুথ শিবিৰত প্ৰাক্তন বিধায়ক ডাঃ দুৰ্লভ চমুৱায়ো উপস্থিত থাকে। শিবিৰত নগাঁও জিলা কংগ্ৰেছৰ সভাপতি তপন কুমাৰ শৰ্মাই বুথ কমিটীৰ সদস্য সকলক সংকল্প বাক্য পাঠ কৰাই। উক্ত অনুষ্ঠানত শতাধিক বিজেপি কৰ্মী কংগ্ৰেছৰ আনুষ্ঠানিক ভাবে যোগদান কৰে। মনকৰিবলগীয়া যে আজিৰ বুথ সংকল্প শিবৰক লৈ নগাঁও কংগ্ৰেছক দুটা ভাগত বিভক্ত হৈ পৰা পৰিলক্ষিত হয়। বিশেষকৈ অনুষ্ঠানত সদৰ সমষ্টিৰ দুই প্ৰাৰ্থীত্ব প্ৰত্যাশী ক্ৰমে কংগ্ৰেছৰ জ্যেষ্ঠ নেতা শান্তনু শৰ্মা আৰু প্ৰাক্তন বিধায়ক ডাঃ দুৰ্লভ চমুৱাৰ হৰ্ডিং অৰাক লৈ সদৰ কংগ্ৰেছত দুটা ভাগত হৈ পৰা পৰিলক্ষিত হয়। আনকি, ছত্তিশগড়ৰ নেতা গৰাকীৰ সন্মুখত শান্তনু শৰ্মাক অহা বিধান সভা নিৰ্বাচনত সদৰ সমষ্টিৰ পৰা প্ৰাৰ্থী প্ৰক্ষেপ কৰাৰ দাবী উত্থাপন কৰে একাংশ কংগ্ৰেছ কৰ্মীয়ে।

No comments