Page Nav

HIDE

Grid

GRID_STYLE

Classic Header

{fbt_classic_header}

Header Ad

শেহতীয়া খবৰ

latest

কবি প্ৰণৱ কুমাৰ বৰ্মনৰ এশ কাব্যৰ ইংৰাজী সংকলন 'উইপ নট মাই লাভ' উন্মোচন

  ষ্টাফ ৰিপ'ৰ্টাৰ, নলবাৰী, ২১ জানুৱাৰীঃ অসমৰ জনপ্ৰিয় কবি প্ৰণৱ কুমাৰ বৰ্মনে বিশ্বমুখী যাত্ৰা আৰম্ভ কৰিলে৷ অসমৰ চাৰি সীমা পাৰ হৈ কবি প্ৰণ...


 ষ্টাফ ৰিপ'ৰ্টাৰ, নলবাৰী, ২১ জানুৱাৰীঃ অসমৰ জনপ্ৰিয় কবি প্ৰণৱ কুমাৰ বৰ্মনে বিশ্বমুখী যাত্ৰা আৰম্ভ কৰিলে৷ অসমৰ চাৰি সীমা পাৰ হৈ কবি প্ৰণৱ কুমাৰ বৰ্মনে নিজৰ কবিতাৰে বিশ্বমুখী যাত্ৰা আৰম্ভ কৰিছে৷  বিশিষ্টা লেখিকা তথা নলবাৰী মহাবিদ্যালয়ৰ ইংৰাজী বিভাগৰ মুৰব্বী অধ্যাপিকা ডঃ ৰঞ্জনা ভট্টাচাৰ্যই যুৱ প্ৰজন্মৰ অতি জনপ্ৰিয় কবি প্ৰণৱ কুমাৰ বৰ্মনৰ নিৰ্বাচিত এশ টা কবিতা  ইংৰাজীলৈ অনুবাদ কৰি বিশ্বমুখী যাত্ৰাৰ পথ মুকলি কৰে৷ডঃ ৰঞ্জনা ভট্টাচাৰ্যই অনুবাদ কৰা কবি প্ৰণৱ কুমাৰ বৰ্মনৰ নিৰ্বাচিত এশ কবিতাৰ ইংৰাজী অনুবাদ সংকলন 'উইপ নট মাই লাভ' আজি আনুষ্ঠানিকটাৱে নলবাৰীত উন্মোচন কৰা হয়৷  নলবাৰী শ্বহীদ ভৱন বাকৰিত আয়োজিত গাম্ভীৰ্যপূৰ্ণ উন্মোচনী অনুষ্ঠানটোত গুৱাহাটী বিশ্ববিদ্যালয়ৰ ইংৰাজী বিভাগৰ প্ৰাক্তন মুৰব্বী অধ্যাপক ডঃ গোবিন্দ প্ৰসাদ শৰ্মা, বিশিষ্ট সাংবাদিক তথা 'ইণ্ডিয়া টডে'ৰ  জ্যেষ্ঠ সহকাৰী সম্পাদক কৌশিক ডেকা , পাণ্ডু কলেজৰ ইংৰাজী বিভাগৰ মুৰব্বী অধ্যাপক অভিজ্ঞান অনুৰাগ আদি উপস্থিত থাকে৷ অনুবাদক ডঃ ৰঞ্জনা ভট্টাচাৰ্যই কবি প্ৰণৱ কুমাৰ বৰ্মনৰ কবিতা ইংৰাজীলৈ অনুবাদ কৰি সংকলন কৰা সন্দৰ্ভত আদৰণি ভাষণত বিশদভাৱে ব্যাখ্যা কৰে৷ নলবাৰী মহাবিদ্যালয়ৰ অধ্যাপিকা ডঃ দৰ্শনা গোস্বামীয়ে আঁত ধৰা উন্মোচনী অনুষ্ঠানটোত কাব্যালোচনী 'সেউজী সেউজী'য়ে প্ৰকাশ কৰি উলিওৱা  'উইপ নট মাই লাভ'  উন্মোচন কৰি ডঃ গোবিন্দ প্ৰসাদ শৰ্মাই কয় যে প্ৰণৱ কুমাৰ বৰ্মনৰ কবিতা ইংৰাজলৈ অনুবাদ কৰি সংকলন আকাৰে প্ৰকাশ কৰি ৰঞ্জনা ভট্টাচাৰ্যই এক মহৎ কাম কৰি দেখুৱালে৷ ডঃ শৰ্মাই ইংৰাজী কাব্য সংকলন খনৰ ওপৰতো চমু বিশ্লেষণ কৰে৷ উন্মোচনী সভাখনত I 'ইণ্ডিয়া টুডে'ৰ সহকাৰী সম্পাদক কৌশিক ডেকাই কবি প্ৰণৱ কুমাৰ বৰ্মনৰ ব্যক্তিত্ব সন্দৰ্ভত আলোচনা কৰি প্ৰণৱ কুমাৰ বৰ্মনৰ কবিতাই বহিঃৰাজ্যৰ পাঠকৰ মাজতো সমাদাৰ লাভ কৰিব বুলি মন্তব্য কৰে৷ সভাখনত পাণ্ডু কলেজৰ ইংৰাজী বিভাগৰ মুৰব্বী অধ্যাপক অভিজ্ঞান অনুৰাগেও ভাষণ দিয়ে৷ অনুষ্ঠানটোত নলবাৰী মহাবিদ্যালয়ৰ অধ্যক্ষ ডঃ  কমল নয়ন পাটোৱাৰী, 'সেউজী সেউজী'ৰ সম্পাদক পুলক বৰ্মনো উপস্থিত থাকে৷নিজৰ কবিতা ইংৰাজীলৈ গ্ৰন্থ ৰূপত প্ৰকাশ পোৱাত গভীৰ সন্তোষ পোৱা বুলি মন্তব্য কৰে কবি প্ৰণৱ কুমাৰ বৰ্মনে৷

No comments