Page Nav

HIDE

Grid

GRID_STYLE

Classic Header

{fbt_classic_header}

Header Ad

শেহতীয়া খবৰ

latest

উন্মোচিত হল "অসমীয়া জাতি গঠন প্ৰক্ৰিয়া: ১৯৬০ চনৰ ভাষা আন্দোলন"

গন বার্তা, যোৰহাট, ১২ ডিচেম্বৰ:  যোৰহাটৰ জাতীয় অভিধান পথত অৱস্থিত জাতীয় ভৱনৰ কথাশিল্পী ডিম্বেশ্বৰ দয়াল শৰ্মা সভাগৃহত ৬০ বছৰ আগৰ  অসমীয়া ৰাজ্...


গন বার্তা, যোৰহাট, ১২ ডিচেম্বৰ:  যোৰহাটৰ জাতীয় অভিধান পথত অৱস্থিত জাতীয় ভৱনৰ কথাশিল্পী ডিম্বেশ্বৰ দয়াল শৰ্মা সভাগৃহত ৬০ বছৰ আগৰ  অসমীয়া ৰাজ্য ভাষা আন্দোলন সম্পৰ্কীয় এক সুবৃহৎ গ্ৰন্থ উন্মোচন  হয়। অসমীয়া জাতীয় অভিধান তথা জাতীয় ইতিহাসৰ মুখ্য সম্পাদক ড0 দেৱব্ৰত শৰ্মাই দয়া সাগৰ কলিতাক সহযোগী হিচাপে লৈ তিনিবছৰ ধৰি চলা গৱেষণাৰ অন্তত যুগুতাই উলিওৱা গ্ৰন্থখন হৈছে "অসমীয়া জাতি গঠন প্ৰক্ৰিয়া(দ্বিতীয় খণ্ড),অসমত ভাষা আন্দোলনৰ ত্ৰেজিক  ত্রিলজি, ১৯৬০ চনৰ ভাষা আন্দোলন"। গ্ৰন্থ খন উন্মোচন কৰে তেজপুৰ বিশ্ববিদ্যালয়ৰ প্ৰাক্তন উপাচাৰ্য , বিশিষ্ট সাহিত্যিক, অসমীয়া জাতীয় অভিধান সম্পাদনা সমিতিৰ সভাপতি ড0 মদন শৰ্মা ই। গ্ৰন্থ খন উন্মোচন কৰি দিয়া ভাষণত ড0 শৰ্মাই কয় যে, ভাষা তত্বই কোনো ভাষাত অসন্মান কৰিবলৈ নিশিকাই। বৰং সন্মান দিবলৈহে শিকায়।  আজিকালি ভাষা তত্বই কোনো দোৱান বা উপ ভাষা বোলা শব্দ পৰ্যন্ত ব্যৱহাৰ নকৰে। ভাষাৰ  ৰূপ বুলিহে কোৱা হয়। সেয়েহে ভাষাৰ নামত কোনো সংঘাত বা সংঘৰ্ষ কামনা নহয়। বিগত দিনৰ ভাষা সংঘৰ্ষত হোৱা ভুল উপলব্ধি হোৱা বাঞ্চনীয়। তেতিয়া অসমীয়া মাধ্যম আন্দোলনত নেতৃত্ব দিয়া লোকৰ সন্তানে এতিয়া ইংৰাজী মাধ্যমত পঢ়ে। অৰ্থাৎ সংঘৰ্ষৰ জৰিয়তে ভাষা প্ৰতিষ্ঠা কৰা নাযায়, বিনষ্ট হে কৰা যায়। আজিৰ অনুষ্ঠানত যোৰহাট জাতীয় বিদ্যালয়ৰ অধ্যক্ষ ডঃ সান্তনা শৰ্মাৰ চাৰি খনকৈ গ্ৰন্থ উন্মোচন কৰা হয়। ড0 স্থবিৰ দাসগুপ্ত ৰ  the political economy of Breast cancer ,গ্ৰন্থখন স্তন কেঞ্চাৰৰ ৰাজনৈতিক ব্যৱসায় নামেৰে অসমীয়ালৈ  সান্তনা শৰ্মাই কৰা অনুবাদ উন্মোচন কৰি বিশিষ্ট চিকিৎসক ড0 বিমল সাহা ই কয় যে,  এইয়া সাধাৰণ ৰাইজৰ বাবে তথা মহিলা সকলৰ বাবে এক উপযোগী উপহাৰ।  ই অতি তত্ব পূৰ্ণ আৰু মৌলিক চিন্তা প্ৰসূত। অধ্যাপক যোগানন্দ বৰাই সান্তনা শৰ্মাৰ নীড় আৰু  বুলাৰ চিঠি নাটক দুখনক অসমীয়া নাৰী বাদী নাটকৰ তালিকাত উৎকৃষ্ট সংযোজন বুলি উল্লেখ কৰে। বিশিষ্ট সমাজ কৰ্মী কৃষ্ণ কান্ত গগৈয়ে লেখিকাৰ সাত নম্বৰৰ সন্ধানত(জেহিৰুল হুছেইনৰ গল্পৰ আধাৰত) উন্মোচন কৰি কয় যে, আদিবাসী মানুহৰ জীৱনৰ কৰুণ গাঁথা এই নাটকৰ জৰিয়তে চাড্ৰি অসমীয়া ভাষাত সুন্দৰ ৰূপত প্ৰকাশ পাইছে। আনহাতে লেখিকাই হৰি প্ৰসাদ বৰুৱাৰ সাধু কথাৰ আধাৰত লিখা পদ নাতিকা ছালচিগা ভিকহু উন্মোচন কৰি বিশিষ্ট শিল্পী অনুজ দুৱৰাই তেওঁলোকৰ শৈশৱ কৈশোৰ ত এই কাহিনীয়ে পেলোৱা প্ৰভাৱ বৰ্ণনা কৰে। 

   ইয়াৰ পূৰ্বে যোৰহাট জাতীয় বিদ্যালয়ৰ সমূহ শিক্ষক শিক্ষয়িত্ৰী য়ে সান্তনা শৰ্মাৰ পৰিচালনাত পৰিৱেশন কৰা চিৰ চেনেহী মোৰ ভাষা জননী ৰে সম্ভাষণ আৰম্ভ হয়। এই গীতৰ মাজেৰে উপস্থিত সকলোৱে হত্যা হিংসাৰ অৱসান ঘটাই সম অধিকাৰ, সম মৰ্যাদাৰ ভিত্তিত নতুন অসম গঢ়াৰ সংকল্প লয় , কাৰণ চিৰ চেনেহী ৰচক জনাই কৈছিল- মানুহৰ জীৱনৰ বিনিময়ত মোক ভাষা নালাগে। চিৰ চেনেহী মোৰ ভাষা জননীৰ ৰচক, অসম সাহিত্য সভাৰ প্ৰাক্তন সভাপতি মিত্ৰদেৱ মহন্তৰ নাতি যোগীদেৱ গোস্বামীয়ে সভাত উপস্থিত থাকি সুভাষীস প্ৰদান কৰে।

No comments