হাউলীৰ অবসৰী কৃতি শিক্ষক হৰিমোহন শৰ্মাৰ "হৰি -ভকতি" শীৰ্ষক সোৱৰণি গ্ৰন্থ উন্মোচন

  টিহু ,  ৩১ ডিচেম্বৰ    :  বৰপেটা  জিলাৰ   হাউলী  হাইস্কুলৰ   অৱসৰী শিক্ষক  ,  সমাজকৰ্মী, সমাজহিতৈষী হাউলীৰ মৈৰামাৰা  নিবাসী হৰিমোহন  শৰ্মা...

 

টিহু ,  ৩১ ডিচেম্বৰ    :  বৰপেটা  জিলাৰ   হাউলী  হাইস্কুলৰ   অৱসৰী শিক্ষক  ,  সমাজকৰ্মী, সমাজহিতৈষী হাউলীৰ মৈৰামাৰা  নিবাসী হৰিমোহন  শৰ্মাৰ প্ৰথম মৃত্যু বাৰ্ষিকীত  " হৰি ভকতি"  শীৰ্ষক  সোৱৰণি  গ্ৰন্থ এখন আজি উন্মোচন কৰে অবসৰী শিক্ষক তথা প্ৰবীন  সাংবাদিক মহেন্দ্ৰ নাথ শৰ্মাই । প্ৰয়াত হৰিমোহন শৰ্মাৰ নিজ বাস ভৱনত  অনুষ্ঠিত গ্ৰন্থ উন্মোচনী সভাত অংশ লৈ  বি এইচ মহাবিদ্যালয়ৰ অধ্যাপিকা ড: ধীৰা ভট্টাচাৰ্য,  বৰনগৰ মহাবিদ্যালয়ৰ অধ্যাপক ড: যগদীশ শৰ্মা,  অবসৰী শিক্ষক  প্ৰমোদ শৰ্মা,  হৰেন শৰ্মা , সমাজকৰ্মী উদয় গোস্বামী  আদি কেইবাজনো বিশিষ্ট ব্যক্তিয়ে প্ৰয়াত হৰিমোহন শৰ্মাৰ   গুণানুকীৰ্তন কৰি সান্নিধ্যৰ বিষয়ে ব্যক্ত কৰে  ।  গ্ৰন্থ উন্মোচনী সভাৰ আৰম্ভণিতে শৰ্মাৰ প্ৰতিচ্ছবিত বন্তি প্ৰজ্বলন কৰে তেখেতৰ সহধৰ্মিণী ৰাজুবালা দেৱীয়ে আৰু পুত্ৰ-বোৱাৰী সহ পৰিয়াল বৰ্গই পুষ্পাঞ্জলী প্ৰদান কৰে  । সাংবাদিক কিশোৰজ্যোতি  শৰ্মাৰ সম্পাদনাত প্ৰকাশিত গ্ৰন্থ উন্মোচনী সভাৰ আতধৰে সাংবাদিক ৰূপ কুমাৰ শৰ্মাই ।