Page Nav

HIDE

Grid

GRID_STYLE

Classic Header

{fbt_classic_header}

Header Ad

শেহতীয়া খবৰ

latest

ডিব্ৰুগড়ৰ মোহনবাৰীত মটক সন্মিলনৰ ৮১ সংখ্যক প্ৰতিষ্ঠা দিৱস সম্পন্ন

গণ বাৰ্তা, ডিব্ৰুগড়, ২৭ নৱেম্বৰঃ  অসমৰ ভূমিপুত্ৰ মটক জনগোষ্ঠীৰ আৰ্থ-সামাজিক, ক্ৰীড়া-সাংস্কৃতিক উন্নয়ন, শোষণ-বঞ্চনা আৰু ন্যায্য প্ৰাপ্তিৰ হকে...


গণ বাৰ্তা, ডিব্ৰুগড়, ২৭ নৱেম্বৰঃ  অসমৰ ভূমিপুত্ৰ মটক জনগোষ্ঠীৰ আৰ্থ-সামাজিক, ক্ৰীড়া-সাংস্কৃতিক উন্নয়ন, শোষণ-বঞ্চনা আৰু ন্যায্য প্ৰাপ্তিৰ হকে কাম কৰি যাবৰ বাবে ১৯৩৯ চনৰ ২৪ নৱেম্বৰ তাৰিখে সেই সময়ৰ জনগোষ্ঠীটোৰ কেইগৰাকীমান পুৰুধা ব্যক্তিৰ মহান প্ৰচেষ্টাত সদৌ অসম মটক সন্মিলন জন্ম হৈছিল। জন্ম লগ্নৰে পৰা সন্মিলনে মটক জনগোষ্ঠীৰ সৰ্বাংগীণ উন্নয়নৰ লগতে জনজাতিকৰণ, স্বায়ত্ত শাসন আৰু অন্যান্য দাবীৰ বাবে মাত মাতি আহিছে। ভূমিপুত্ৰ হিচাপে ন্যায্য প্ৰাপ্তিৰ বাবে চলাই যোৱা দীঘলীয়া সংগ্ৰামখনত মটক জনগোষ্ঠীৰ ভাতৃ-ভগ্নী সংগঠনসমূহ সদৌ অসম মটক যুৱ-ছাত্ৰ সন্মিলন, সদৌ অসম মটক মহিলা পৰিষদ, সদৌ অসম মটক যুৱ-ছাত্ৰ পৰিষদ, সদৌ অসম মটক ছাত্ৰ সন্থাৰ সৈতে পিতৃ সংগঠনস্বৰূপে সন্মিলনে নিজৰ দায়িত্ব পালন কৰি ঐক্যবদ্ধ সংগ্ৰামৰ অংশীদাৰ হৈ আহিছে। তদুপৰি অসমৰ অন্যান্য জনগোষ্ঠীসমূহৰ সৈতে সমন্বয় ৰক্ষা কৰি অসমৰ জনগোষ্ঠীয় সমস্যা, অন্যান্য জাতীয় সমস্যাসমূহৰ সমাধানৰ্থে চলাই যোৱা সংগ্ৰামখনতো সক্ৰিয় অংশগ্ৰহণ কৰি আহিছে। মটক জনগোষ্ঠীৰ ৰাইজ তথা অসমবাসী ৰাইজৰ মৰম চেনেহৰ সহযোগত লালিত-পালিত হৈ সদৌ অসম মটক সন্মিলনৰ এইবাৰ ডিব্ৰুগড়ৰ মোহনবাৰী মিৰি পথাৰ গাঁৱৰ ৰাজহুৱা প্ৰেক্ষাগৃহত ৮১ সংখ্যক প্ৰতিষ্ঠা দিৱসৰ সফল সামৰণি পৰে। উল্লেখ যে প্ৰাক্তন মুখ্যমন্ত্ৰী তৰণ গগৈ দেৱৰ মহাপ্ৰয়াণৰ বাবে সংগঠনটোৱে যোৱা ২৪ তাৰিখে কেৱল পতাকা উত্তোলন কৰি তেখেতৰ প্ৰতি শ্ৰদ্ধা জনাই সকলো কাৰ্যসূচী স্থগিত ৰাখিছিল। লাহোৱাল সমষ্টিৰ বিধায়ক ঋতুপৰ্ণ বৰুৱাই আজি সাংস্কৃতিক শোভাযাত্ৰা কাৰ্যসূচী উদ্বোধন কৰি প্ৰায় ৭ কিঃমিঃ শোভা যাত্ৰাত অংশগ্ৰহণ কৰি পুনৰ মোহনবাৰীৰ মিৰি পথাৰ গাঁৱৰ ৰাজহুৱা প্ৰেক্ষাগৃহলৈ আহে। মটক জনগোষ্ঠী আটাইকেইটা সংগঠনৰ কেন্দ্ৰীয় বিষয়ববীয়াই অংশগ্ৰহণ কৰা সাংস্কৃতিক শোভাযাত্ৰা কাৰ্যসূচীত মটক জনগোষ্ঠীৰ গায়ন-বায়ন, বিহুৰ লগতে বিভিন্ন জাতি জনগোষ্ঠীয় বাৰেৰহনীয়া নৃত্য প্ৰদৰ্শন কৰা দেখিবলৈ পোৱা যায়। সন্ধিয়ালৈ মুকলি সভাত  বিভিন্ন দল-সংগঠনৰ প্ৰতিনিধিৰ উপস্থিতিত জনগোষ্ঠীটোৰ লগতে অসমৰ সাম্প্ৰতিক পৰিস্থিতি ওপৰত আলোকপাত কৰে।

No comments