যোৰহাটৰ ভোগদৈ নৈৰ ঘাটত ষট পূজা উদযাপন

ষ্টাফ ৰিপৰ্টাৰ ,যোৰহাট ,২০ নৱেম্বৰ :  যোৰহাটত উদযাপন  হৈছে ষট পূজা ।  হিন্দু ধৰ্মালম্বীৰ এটা সম্প্ৰদায়ৰ লোকসকলে   সূৰ্য দেৱতাক আৰাধনা কৰিবলৈ...

ষ্টাফ ৰিপৰ্টাৰ ,যোৰহাট ,২০ নৱেম্বৰ :  যোৰহাটত উদযাপন  হৈছে ষট পূজা ।  হিন্দু ধৰ্মালম্বীৰ এটা সম্প্ৰদায়ৰ লোকসকলে   সূৰ্য দেৱতাক আৰাধনা কৰিবলৈ যোৰহাটৰ ভোগদৈ নৈৰ ঘাটত সমাগম হৈ হোৱা দেখা গৈছিল । বিভিন্ন অঞ্চলৰ পৰা  ভক্তপ্ৰাণ ৰাইজ আহি নৈৰ পানীত নামি সূৰ্য দেৱতাক আৰাধনা কৰা দেখা গৈছিল ।   পূজা স্থলীত ৰেড ক্ৰছৰ সদস্য সকল উপস্থিত হৈ  ভক্তসকলে  মাৰ্ক্স পিন্ধিছে নে নাই লক্ষ্য কৰাৰ লগতে চেনিটাইজও কৰা দেখা গৈছিল । মাটিত বাগৰি বাগৰি আহি পূজা কৰা ভক্তসকলে নৈৰ পানীত নামি সন্ধিয়ালৈকে  সূৰ্য দেৱতাক আৰাধনা কৰা দেখা গৈছিল । পূজা স্থলীত শীৰ্ষ  আৰক্ষী বিষয়াৰ  লগতে প্ৰাক্তন বিধায়ক ৰাণা গোস্বামী , ৰাজ্যসভাৰ সাংসদ কামাখ্যা প্ৰসাদ তাছা , শান্তনু পূজাৰী, সমাজ কৰ্মী নিৰোদ চাংকাকতিৰ লগতে বহু কেইজন বিশিষ্ট লোকে ভোগদৈ নৈৰ ঘাটৰ পূজাস্থলীত উপস্থিত   হোৱা দেখা গৈছিল । যোৰহাটৰ ভোগদৈ নৈৰ ঘাটত এক উখল মাখল পৰিৱেশ সৃষ্টি হোৱা দেখা গৈছিল  ।