Page Nav

HIDE

বিতৰ্কিত হিন্দুত্ববাদী নেতা সত্যৰঞ্জন বৰাক লৈ গুলীচালনাৰ ঘটনা : বাক্সাৰ গড়ভিতৰত উত্তপ্ত পৰিস্থিতি

এম মহিবৰ ৰহমান, নলবাৰী, ৪ অক্টোবৰ ঃ ৰাজ্যৰ চৌদিশে ঘৃণাৰ বিষবাষ্প বিলাই ফুৰা বিতৰ্কিত হিন্দুত্ববাদী নেতা সত্যৰঞ্জন বৰাক আজি পহুখেদা দিলে বাক্...




এম মহিবৰ ৰহমান, নলবাৰী, ৪ অক্টোবৰ ঃ ৰাজ্যৰ চৌদিশে ঘৃণাৰ বিষবাষ্প বিলাই ফুৰা বিতৰ্কিত হিন্দুত্ববাদী নেতা সত্যৰঞ্জন বৰাক আজি পহুখেদা দিলে বাক্সা জিলাৰ গড়ভিতৰ অঞ্চলৰ ৰাইজে। বিতৰ্কিত নেতাগৰাকীয়ে আজি বাক্সা জিলাৰ কদমতলৰ এখন সভাত অংশগ্ৰহণ কৰিবলৈ গৈ আছিল । তেওঁৰ আগমনৰ আগতীয়াকৈ খবৰ লাভ কৰি বৃহত্তৰ গড়ভিতৰ অঞ্চলৰ শ শ পুৰুষ-মহিলা ওলাই আহে ৰাজপথলৈ। স্থানীয় ৰাইজে ধমধমা- কদমতল পথছোৱা অৱৰোধ কৰি সত্যৰঞ্জন বৰা উক্ত স্থানলৈ যোৱাৰ বিৰোধিতা কৰে। স্থানীয় লোকসকলে আৰক্ষী প্ৰশাসনক হাতযোৰ কৰি সত্যৰঞ্জনক উক্ত পথেৰে যোৱাৰ বিপৰীতে অন্য পথেৰে লৈ যাবলৈ অনুৰোধ জনায়। প্ৰতিবাদকাৰী ৰাইজৰ অনুৰোধ আৰক্ষীয়ে মানি নোলোৱাত ৰাইজে পথছোৱাৰ ওপৰত গছ পেলাই দি পথছোৱা অৱৰোধ কৰি ৰাখে। অঞ্চলটোৰ বিভিন্ন জনগোষ্ঠীৰ লোক ৰাজপথলৈ ওলাই আহি ব্যাপক প্ৰতিবাদ সাব্যস্ত কৰাৰ পিছতো নলবাৰী আৰু বাক্সা 

আৰক্ষীয়ে বলপূৰ্বক প্ৰতিবাদকাৰীসকলক আঁতৰাই পঠাই সত্যৰঞ্জন বৰাক গন্তব্য স্থানলৈ পঠিওৱাৰ সিদ্ধান্ত লোৱাত অধিক ক্ষুব্ধ হৈ পৰে প্ৰতিবাদকাৰীসকল। অৱশেষত আৰক্ষীয়ে প্ৰতিবাদকাৰীসকলৰ ওপৰত লাঠিচালনা কৰাত ক্ষুব্ধ হৈ পৰে স্থানীয় প্ৰতিবাদকাৰীসকল। আৰক্ষীয়ে ঠেলা-হেঁচা কৰি প্ৰতিবাদকাৰীসকলক গঁতিয়াই খেদি পঠিয়াব বিচৰাত অধিক উত্তেজিত হৈ প্ৰতিবাদকাৰীসকলেও আৰক্ষীলৈ লক্ষ্য কৰি শিলগুটি নিক্ষেপ কৰে। আৰু অৱশেষত আৰক্ষীয়ে শুন্যলৈ গুলীচালনা কৰি প্ৰতিবাদকাৰীসকলক ছত্ৰভংগ দিয়াবলৈ চেষ্টা কৰে যদিও প্ৰতিবাদকাৰীসকল অধিক উত্তেজিত হৈ পৰে। এনেকৈয়ে ঘটনাস্থলীৰ পৰা আঁতৰি আহি দুঘণ্টা ধৰি সত্যৰঞ্জন বৰাই এক কি.মি. দূৰত অৱস্থান কৰি থাকিবলগীয়া হয়। ধমধমা, গড়ভিতৰকে ধৰি বৃহত্তৰ অঞ্চলটোত অতীজৰে পৰা শান্তি-সম্প্ৰীতি অটুট থকাৰ মাজতে আজি সত্যৰঞ্জন বৰাই কেইজনমান যুৱকক লগত লৈ অঞ্চলটোলৈ বিষবাষ্প বিয়পাবলৈ যোৱাৰ  পিছতে উত্তপ্ত হৈ পৰে বিভিন্ন জনগোষ্ঠীৰে থাহ খাই থকা অঞ্চলটো।