Page Nav

HIDE

Grid

GRID_STYLE

Classic Header

{fbt_classic_header}

Header Ad

শেহতীয়া খবৰ

latest

কোৰোনাৰ সৈতে যুদ্ধ কৰাৰ বাবে সাজু ভাৰতীয় সেনা

  দৈনিক গণঅধিকাৰঃ বিশ্বত ত্ৰাসৰ সৃষ্টি কৰা কোৰোনা ভাইৰাছৰ সৈতে যুদ্ধ কৰাৰ বাবে ভাৰতীয় সেনা সম্পূৰ্ণৰূপে সাজু হৈ পৰিছে। ভাৰতীয় সেনাৰ উচ্চস্ত...

 

দৈনিক গণঅধিকাৰঃ বিশ্বত ত্ৰাসৰ সৃষ্টি কৰা কোৰোনা ভাইৰাছৰ সৈতে যুদ্ধ কৰাৰ বাবে ভাৰতীয় সেনা সম্পূৰ্ণৰূপে সাজু হৈ পৰিছে। ভাৰতীয় সেনাৰ উচ্চস্তৰীয় সূত্ৰই প্ৰকাশ কৰা অনুসৰি দেশত ‘নমস্তে’ নামেৰে ভাৰতীয় সেনাই অভিযান চলোৱাৰ বাবে সাজু হৈ পৰিছে। সেনাৰ মুখ্য বিষয়া এম এন নৰোৱে আজি এই কথা সদৰী কৰে। বিষয়াগৰাকীয়ে প্ৰকাশ কৰা অনুসৰি দেশত কোৰোনা ভাইৰাছৰ সৈতে যুদ্ধ কৰাৰ বাবে সেনাই কমেও ৮টা কুৱাৰাণ্টাইন কেন্দ্ৰ স্থাপন কৰে।

নমস্তে নামেৰে অভিযান চলোৱাৰ কথা সদৰী কৰি সেনাৰ মুখ্য বিষয়া এম এন নৰোৱে কয় যে উক্ত মাৰাত্মক মহামাৰীৰ বিৰুদ্ধে যুদ্ধ কৰাৰ বাবে চৰকাৰৰ সৈতে সহযোগিতা আগবঢ়োৱাটো কৰ্তব্য। বিষয়াগৰাকীয়ে এই বুলিও প্ৰকাশ কৰে যে সেনাই পূৰ্বে চলোৱা সকলো অভিযানত সফলতা লাভ কৰিছে। একেদৰে নমস্তে নামেৰে চলাবলৈ সাজু হোৱা অভিযানতো সেনাই সফলতা লাভ কৰিব বুলি আশা প্ৰকাশ কৰে সেনাৰ মুখ্য বিষয়াগৰাকীয়ে। বিষয়াগৰাকীয়ে এই বুলিও প্ৰকাশ কৰে যে সেনাৰ সকলো কেডাৰক সুৰক্ষিত কৰি ৰখাটো তেওঁৰ কৰ্তব্য।

সেনাৰ প্ৰতিগৰাকী জোৱানক সুৰক্ষিত কৰি ৰখাৰ উপৰি দেশবাসীক সেৱা আগবঢ়োৱাটো তেওঁৰ কৰ্তব্য বুলি উল্লেখ কৰি চৰকাৰৰ সৈতে কোৰোনা ভাইৰাছৰ বিৰুদ্ধে যুঁজ দিবলৈ ভাৰতীয় সেনা সম্পূৰ্ণৰূপে সাজু। বিষয়াগৰাকীয়ে কোৰোনা ভাইৰাছৰ প্ৰতি লক্ষ্য ৰাখি এই সময়ত সেনাৰ জোৱানক ছুটীৰ পৰা আঁতৰি থাকিবলৈ আহবান জনায়। অৰ্থাৎ এই সময়ত সেনাৰ জোৱানে বা বিষয়াই ৰাইজক সেৱা আগবঢ়োৱাৰ উত্তম সময়, এই সময়ত ৰাইজক সেৱা নকৰি ঘৰত বহি থকাৰ বাবে ছুটী লোৱাৰ প্ৰয়োজন নাই বুলি উল্লেখ কৰি ছুটী বাতিল কৰে। উল্লেখ্য যে কোৰোনা ভাইৰাছৰ ফলত দেশত নিহতৰ সংখ্যা ২০জনলৈ বৃদ্ধি হয়।

No comments