আজি ১৪ মাৰ্চ। ৫৮ সংখ্যক বছৰত ভৰি দিলে অভিনেতা আমিৰ খানে । হিন্দী চিনেমা উদ্যোগৰ অন্যতম নাম আমিৰ খান। আমিৰ খানক বলীউডৰ ‘মিষ্টাৰ পাৰ্ফেক্টনিষ্ট’ বুলি কোৱা হয়। বলীউডৰ তিনিজন খানৰ ভিতৰত এজন, যাৰ ধাৰা আৰু চিনেমাৰ মানদণ্ড বাকীবোৰতকৈ উচ্চ বুলি জানে দাবী কৰে সকলোৱে । ‘কায়ামত সে কায়ামত তক’ৰ জৰিয়তে প্ৰেমৰ শিক্ষা দিয়াই হওক বা ‘দিল চাহতা হায়’ৰ জৰিয়তে বন্ধুত্বৰ পুনৰ সংজ্ঞা দিয়াই হওক, বা ‘লগান’, ‘মংগল পাণ্ডে’ৰ পৰা লোৱা হওক।
আমিৰ খানৰ কেইখনমান শ্ৰেষ্ঠ ছবিৰ তালিকা –
পি কে -‘পি কে’ ছবিখনত আমিৰৰ সৈতে আছিল অনুষ্কা শৰ্মা, সুশান্ত সিং ৰাজপুত, সঞ্জয় দত্ত, সৌৰভ শুক্লা। বলীউডৰ অন্যতম সৰ্বাধিক উপাৰ্জনকাৰী ছবি। প্ৰতিবাৰ দেখিলেই মেজাজ ভাল হ’ব। এই ছবিখনত আমিৰে ৰাজকুমাৰ হিৰানীৰ সৈতে দ্বিতীয়বাৰৰ বাবে কাম কৰিছিল। ২০১৪ চনৰ এই ছবিখনত তেওঁ এলিয়েন জীৱৰ চৰিত্ৰত অভিনয় কৰিছিল।
থ্রি ‘ইডিয়ট – এই তিনিজন ‘ইডিয়ট’ চাই কেতিয়াও ভাগৰি নাযাব। এই ছবিখন ৰাজকুমাৰ হিৰাণীৰ পৰিচালনাৰ অন্যতম মাইলৰ খুঁটি। এই ছবিখনে তিনিজন অভিযান্ত্ৰিক ছাত্ৰ-ছাত্ৰীৰ বন্ধুত্বৰ কাহিনী বৰ্ণনা কৰিছে। আমিৰ খানৰ সৈতে মাধৱন আৰু শৰ্মান যোশীয়েও অভিনয় কৰিছিল।
তাৰে জমিন পাৰ – ২০০৭ চনৰ সৰ্বাধিক উপাৰ্জন কৰা হিন্দী ছবি। ডিছলেক্সিয়া সম্পৰ্কে সজাগতা বিয়পাবলৈ এই ছবিখন নিৰ্মাণ কৰা হৈছে। ছবিখনত আমিৰ খানে এগৰাকী শিক্ষকৰ চৰিত্ৰত অভিনয় কৰিছে, যাৰ হাতেৰে এজন ডিছলেক্সিয়া ছাত্ৰই পুনৰ অধ্যয়নৰ প্ৰতি আগ্ৰহ লাভ কৰে। লগতে বিচাৰি পায় নিজৰ নতুন প্ৰেম, অংকনৰ বাবে।
লগাণ – আশুতোষ গোৱাৰিকৰৰ পৰিচালিত এই ছবিখন ২০০২ চনৰ একাডেমী বঁটাত ‘শ্ৰেষ্ঠ আন্তঃৰাষ্ট্ৰীয় বৈশিষ্ট্যপূৰ্ণ ছবি’ শিতানত মনোনীত হৈছিল। অস্কাৰ নোপোৱাৰ পিছতো ভাৰতীয় দৰ্শকৰ মাজত এই ছবিখন এতিয়াও এক নম্বৰত আছে।
